लवकरच येत आहे.......

 श्री गणेशायनम:
 नमस्कार
मित्रांनो, गेल्या वर्षी पुण्याच्या भारत इतिहास संशोधक मंडळातर्फे घेतल्या जाणाऱ्या मोडी लिपी प्रशिक्षण वर्गात भाग घेतला आणि आमचे मित्र श्री. मंदार लवाटे यांच्या मार्गदर्शनाखाली मोडी लिपी शिकलो. लगेचच महाराष्ट्र राज्याच्या पुराभिलेख संचनालयाच्या वतीने मोडी अभ्यासक्रम सुरु झाला आणि आधी शिकल्याने शासनाची परिक्षाही उत्तीर्ण झालो. सध्या जमेल तसा मोडी वाचनाचा सराव करतो आहे. मोडी कागदपत्रांतली अक्षररुपी कोडी सोडवण्याची मौज काही वेगऴीच आहे.
मात्र, अनेकांना इच्छा असूनही वेळेअभावी मोडी लिपी शिकणे शक्य होत नाही. काही ठिकाणी मोडी शिकण्याची सोयच नाही. विशेषतः परदेशात  राहणाऱे आमचे बांधव यापासून कित्येक कोस दूर आहेत. महाराष्ट्रातही बहुसंख्य ठिकाणी मोडी शिकण्याची सोय नाही. त्यामुळे कोट्यवधी मोडी कागद अद्याप वाचायचे राहिले आहेत. मी स्वतः मोडीचा तज्ज्ञ नाही. मोडी लिपी मला येते एवढेच. पण तरीही ही लिपी अधिकाधीक लोकांपर्यंत पोहोचावी यासाठी हा प्रपंच करत आहोत.
ही लिपी कोण शिकवणार, कशी शिकवणार, त्याचा सराव कसा करायचा, सरावासाठी कागद कसे उपलब्ध होणार, या साऱ्यांची उत्तरे हळूहळू आम्ही या ब्लाॅगच्या माध्यमातून देऊच. थेट तुमच्या पर्यंत मोडी लिपीचा वर्ग आणण्यासाठी आम्ही काम सुरु केले आहे. लवकरच त्यासह आम्ही तुमच्यापर्यंत पोहोचू. तूर्त प्रतिसाद जाणून घेण्यासाठी ही पहिली पोस्ट......
प्रशिक्षणाचे सर्व व्हिडिओ पहा-
https://www.youtube.com/watch?v=JYhMyUNqsFQ&list=PLCMSpB6v_YetSEcc3QTVZheNinIJa3iBB